學習接受不完美的自己

由 OLANDAINTERNATIONAL 發布

學習接受不完美的自己

【學習接受不完美的自己】 今年以前覺得自己係一個好弱小嘅人,因為經歷過好多唔同嘅人際關係,特別係愛情方面覺得自己完全一塌糊塗,好容易一頭中埋去搞到自己損手爛腳,走翻出嚟之後遇到下一個有好感嘅人就會無限loop呢個過程。以前自己喺外國讀書亦受抑鬱症所苦,好經常會全日訓喺床乜都做唔到,走堂走考試係常態。返嚟香港改變環境之後情況慢慢好轉,之後覺得真係唔可以再咁樣落去,所以花咗好多時間將 focus 放翻喺自己身上,想增加翻自己嘅自信心,說服自己我嘅價值唔需要喺人地身上搵翻嚟。所以開始鼓起勇氣學自己一直有興趣嘅野,同埋花時間內省,令自己有啲精神寄託。我嘅態度會變左唔去喺人生入面強求啲乜,instead 會諗點做先對自己最好,同時考慮點樣可以改善自己,唔俾任何關係綁住我,亦學到點樣舒服地獨處,可以接受到單身嘅自己,慢慢開始接受同愛呢一個唔完美但努力生活嘅自己。🦄💭——————————————————————人生跌宕起伏,回望一啲時刻,會發現原來成就咗某部分嘅自己。受情緒困擾當下必定難受,但佢亦有可能成為我哋人生嘅養分。Olanda心事台 邀請大家匿名分享自己經歷,如何走出情緒低谷,呢啲經歷為各自人生帶嚟咩改變,或者點樣影響心態同諗法。多謝分享嘅朋友,佢哋嘅故事可能係好多人嘅寫照,希望為正經歷低潮嘅朋友帶嚟一點安慰。

Pre-loader