5種活動配合CBG快速減壓

CBG 有效紓緩壓力同鎮靜情緒，但除咗臨訓前服用，真正將CBG 融入日常生活，配合各種減壓活動，建立一套夠chill夠放鬆嘅lifestyle先係皇道。

CBG係好好嘅工具，加強放鬆紓壓效果，建議做下列活動前先服用一滴管CBG，放鬆身心：

 

▋1  冥想 Meditation  [每日抽 5 分鐘，與自己獨處靜思。]

冥想其實不帶有宗教意識， 每個人都可以為自己創造一個安穩空間，觀照(觀察、照住)自己身體、心靈當下狀態， 純粹的觀察不加批判(無是非之分)，不否定或壓抑自己嘅感覺，而係接納同擁抱當下的自己。

大家可以搵一個安靜嘅角落坐好，可以闔埋雙眼，放鬆膊頭，打開胸膛，腰部要直，兩手可以自然放喺膝頭上， 讓呼吸慢慢進行，吸氣呼氣，感受空氣由外界傳入身體再由身體呼出外界。初時可以默念數字輔助，一吸一呼，呼氣時默念「一」，由一數到十，再由十到一。若果能夠順序念 10 分鐘唔亂，原本紛亂的內心就會開始變得平靜澄明，這將會有助你面對日常生活的煩惱。不過要記住生活的煩惱是不會消失的，因為這是我們生存嘅根本，不過我哋可以減少煩惱嘅數量和質量，減少啲粗蒙嘅煩惱。

一開始可以先練習 5 分鐘， 習慣了之後可以每 5 分鐘咁加上去。

 

▋2 慢行

如果坐定定唔太自在，大家平時行路都可以有意識咁放慢自己步伐。當然搵條舒服嘅路段好重要，例如屋企附近有海傍，吹住海風散步特別舒服，最重要嗰個路段係你認為合適同自在。

建議開始前深呼吸幾次，感受自己稍為放鬆之後，配合呼吸，搵出一個你舒服嘅步速，覺察每一個呼吸同步伐。當你返工返到好辛苦，種種煩惱蜂擁而至，至少喺呢段時間，嘗試將注意力放返喺自己身上。

 

▋3 畫畫 

拎起畫筆，將蘊藏內心已久嘅諗法具象化，抒發平日無處宣洩嘅情緒。無關技巧，無關結果，創作過程已經療癒緊自己。試諗返細個塗鴉，畫畫從來唔係只有畫得似、畫得靚嘅先係「畫畫」。

如果真係覺得好難落筆，可以試吓禪繞畫(Zentangle)，透過重覆畫一啲簡單圖案，衍生千萬變化。一筆生一筆，依感覺而行，不作修改，不作計算。

 

▋4 音樂

音樂能夠刺激腦內釋放多巴胺(dopamine)及血清素(serotonin)，紓緩壓力，產生幸福和滿足感。只要聽鍾意嘅歌，已經可以引發回饋機制。聽節奏較慢、平靜柔和嘅音樂，或海浪聲、流水聲，更有助平穩心跳、呼吸同血壓。

而同畫畫一樣，創作、演奏音樂，同樣可以表達自己，抒發情感。

 

▋5 運動

帶氧運動能夠刺激大腦釋放安多酚(endorphin)，提升愉悅、快樂感覺。建議大家一星期搵幾日，抽半小時做運動。如果生活比較忙，都可以試吓早幾個站落車，急步行(一分鐘行100米)都係中等強度運動，但記得每次至少行夠10分鐘。

亦可以多做瑜伽，伸展身體，調整氣息，放鬆繃緊身心。真心推介嬰兒式(child's pose)，每次做呢個動作都十分舒服。